Giaprobahan sa US Congress ang usa ka balaodnon nga maggahin og $2.5 bilyon nga tabang pangseguridad para sa Pilipinas.
Ang balaodnon, nga gitawag og Philippines Enhanced Resilience Act (PERA Act), nga gipresentar nila ni Senador Bill Hagerty ug Tim Kaine, magtugot hangtod sa $500 milyon nga tabang panghatag og Foreign Military Financing (FMF) sa Pilipinas gikan sa 2026 hangtod 2030, o sa kinatibuk-an nga $2.5 bilyon sulod sa lima ka tuig.
Ang balaodnon nagtumong sa pagpalalom sa kooperasyon sa depensa tali sa US ug Pilipinas ug pagpalig-on sa mga kapabilidad sa depensa ug interoperability sa alyansa sa duha ka nasud aron matubag ang nagkadako nga mga hulga sa Indo-Pacific Region.
Si Embahador sa Pilipinas sa Washington nga si Jose Manuel Romualdez miingon nga kini ang pinakadako nga pakete sa tabang pangseguridad nga gihatag sa US sa Pilipinas, ang labing dugay nga kaalyado niini sa Asya.
Samtang, ang balaodnon ipadala na karon sa opisina ni Presidente Donald Trump sa US aron mapirmahan isip balaod.
