2.895 ka kilo nga karne (beef cubes), gisakmit sa karnehan sa Banawa

Niluwat og Confiscation/Condemnation Certificate ang Department of Veterinary Medicine & Fisheries (DVMF) sa Siyudad sa Sugbo alang sa alang sa 2.895 kilo nga beef cubes nga gikonsidera nga dili angay i-konsumo kagahapong adlawa, Pebrero 24, 2026.

Gikumpiska ang mga beef cubes human nga nakit-an sa mga meat inspector nga adunay mga timailhan sa discoloration, ug dili angay nga e konsumo og posible nga makahatag peligro sa panglawas.

Ang maong kompikasyon naimplementar tungod sa pagkalapas niini sa AO 6 ug CO 2189.

Ingun man nga gipahugtan ang pagpangkumpiska aron mapanalipdan ang kahimsog sa publiko, ug masiguro ang kaluwasan sa mga produkto sa karne sa merkado.