Gilusad sa Cebu City Police Office (CCPO) and duha ka adlaw nga one-stop shop gun licensing caravan diri sa dakbayan sa Sugbo karong Martes (Disyembre 9) ug ugma sa Miyerkules (Disyembre 10).
Gipahigayon kini sa GMall of Cebu nga usa ka tanyag nga mall sa dalan A. Soriano Avenue, Barangay Mabolo, Cebu City diin i-serbisyo ang paglukat sa License to Own and Possess Firearms (LTOPF) nga gi-regulate sa mga sakop sa kapulisan.
Sumala pa sa pamahayag sa mga tigbalita ni Police Lt. Rosalina Manila, ang Deputy Chief of Police Community Relations sa CCPO nga ang maong kalihokan nagtumong sa responsableng pagpanag-iya sa legal nga armas subay sa mga prosesong agian sa mga gun owners sama sa psychological evaluation, background check, safety seminar, drug testing, neurological exam, ug uban pa.
Ang pagpa-lisensya naglikay sa mga dautang indibidwal nga makapanag-iya og armas nga makahatag og risgo sa mga komunidad ug dili sa tumong sa self-defense.
Giawhag sa kapulisan nga abli ang maong caravan alas-7:30 pa lang sa buntag apan inig alas 10 pa sa samang kabuntagon mahikay ang programa.
