Duha ka dagkong sunog nga miigo sa Los Angeles, California USA kay 100% na nga napalong human sa kapin 3 ka semana nga pakigbisog.
Matud sa fire officials nga na-contain ang Eaton fire nga milamoy sa kapin 14,000 ka ektarya o katumbas sa 57 square km sa silangang bahin sa LA.
Gikumpirmar usab sa California Department of Forestry and Fire Protection nga ang mas dako nga Palisades Fire, misunog sa 23,448 ektarya o 95 square km sa kasadpang bahin sa LA.
Ang duha ka dagkong mga sunog, uban sa pipila ka mha gagmay, gikonsiderar nga “worst natural disaster” sa kasaysayan sa LA County, nga nakapatay sa 28 ka mga tawo ug nakadaot sa labaw 16,000 nga mga istruktura, sumala sa California Fire department, samtang napugos ang pagbakwit sa mga 180,000 ka mga residente.
Gikanayon usab sa Private forecaster nga AccuWeather diin gibanabanang mokabat sa kapin $250 billion ang kantidad sa kadaot ug economic losses tungod sa kaylap nga sunog.
