Duha ka mga eroplano sa Delta Airlines ang nagbangga samtang sila nag-taxi aron molupad.
Ang insidente nahitabo sa Hurstfield-Jackson International Airport sa Atlanta, Georgia sa Estados Unidos.
Sumala sa tigpamaba sa Delta Air nga si Anthony Black, ang tumoy sa pako sa Delta Airbus A350 naigo sa Delta CRJ-900 regional jet nga gipadagan sa Endeavor Airlines.
Maayo nalang og wala’y nasamdan nga mga pasahero gikan sa mga pagbiyahe sa rehiyon diin sila gidala balik sa terminal pinaagi sa bus.
Samtang ang usa ka eroplano kay walay mga pasahero tungod kay nikanaog na sila sa wala pa mahitabo ang insidente.
Ang mga nalangan nga pasahero dad-on sa laing eroplano.
Tungod sa insidente gisirad-an sa US Federal Aviation Administration ang runway ug pipila ka duol nga taxiways.
Ang mga awtoridad nagpahigayon usab og imbestigasyon sa maong insidente.
