Cebu City- Nasikop ang duha ka municipal cpouncilor ug ABC President sa lungsod sa San Fernando sa hiniusang operasyon sa Regional Intelligence Division-7, Regional Special Operations Group-7 ug Provincial Intelligence Branch ng Cebu Provincial Police Office. Ang mag nasikop mao sila si Brgy. Magsikop Kapitan Johny Aresgado, Edwin Villaber ug Alfonso Donnaire ng pulos konsehal sa nahisgutang lungsod.
Matud ni PIB Head Joie Yape Jr, nga ang tulo ka mga dinakpan ang nalakip sa listahan sa high level targets sa CPPO. Gironda sa mga kapulisan ang panimalay sa tulo , pinasikad sa search warrant nga gipirmahan ni Hon. Judge Gerry Dicdican , ang presiding judge sa Branch 25 Danao City RTC.
Nakuha gikan sa mga dinakpan ang pito ka mga nagkadaiyang kalibre sa armas nga pulos walay lisensya samtang nakuhaan naman og tagsa ka medium size plastic sachet nga nag unod og gituhuong shabu ang duha ka konsehal.
Giangkon ni Kapitan Aresgado nga pakyas kini sa pagpalisensya sa iyang armas sanglit matud pa nga iya lamang kining ibilin sa balay og alang lamang kini sa iyang proteksyon. Hugtanong gihimakak naman sa duha ka konsehal ang drogas nga nakuha sa ilang posisyon.
Gisuta karon sa kapulisan kung duna bay kalambigitan ang tulo sa bigtime drug lord sa Sugbo nga si Franz Sabalones kinsang residente usab sa naasoy nga lungsod.
