CEBU CITY-Duha ka sunog ang niigo sa dakbayan sa Sugbo kagahapong adlawa, Lunes Agosto 12, 2024.
Una niini sa Singson Village sa Brgy. Guadalupe, dakbayan sa Sugbo alas 12:11 sa udto diin niugdaw og 12 ka mga panimalay ug laing 2 ka panimalay ang partially burned nga mikalas og kapin sa P600,000 ka mga kabtangan atol sa inisyal nga imbestigasyon.
Kung diin, sa pagresponde sa mga kabumberohan, daling giisa sa first alarm ang sunog tungod sa presensya sa light and flammable nga mga materyales sa dapit.
Hinuon, nakontrolar sa mga kabumberohan ang sunog alas 12:46 sa udto o pasado 30 minutos ang gidugayon.
Samtang Alas 12:59 sa udto na nga opisyal nilang gideklarar nga fire out.
Samtang sa paglabay sa mga duha ka oras, niresponde usab ang mga kabumberohan sa laing alarma sa sunog sa eskina sa Don Pedro Cui ug dalan R. Landon sa Barangay San Antonio ning dakbayan sa Sugbo nga midilaob sa usa ka residential area.
Maayo nalang dali nga napalong ang sunog og wala ka aayu naka-apikto sa mga kabalayan.
Nagpadayon ang imbestigasyon sa kabumberohan sa hinungdan sa naasoy nga mga sunog.
Subay niini, padayon ang pahimangno sa kabumberohan sa publiko pinaagi sa ilahang information dissemination drive sa kada barangay, aron mailikay sa sunog ang mga panimalay.
