Duha ka mga hanggaw nga mga Amerikano ang na-indicted tungod kay gituohang nagplano og pagmugna og ilang kaugalingong “army” sa mga libud-suroy aron musakop og island sa Haiti og mang-ulipon sa mga lokal nga kababaynhan ug kabatan-onan.
Ang indictment gi-file sa Texas federal court nga nag-akusar kang Gavin Rivers Weisenburg, 21-anyos ug Tanner Christopher Thomas, 20-anyos sa pagplao og mugna sa “homeless army” diin mupalit sila og sailboat og sakupon ang Gonave Island nga sakop sa teritoryo sa Haiti nga adunay 87,000 ka mga residente.
Giplano sa duha nga ang mga libud-surot sa Washington DC ang ilang pundukon nga magsilbing “mercenary force” niini sa ilang gisugyot nga coup d’etat.
Sumala pa sa mga dokumento sa korte, si Weisenburg ug Thomas kay nag-research sa Gonave Island kaniadto pang Agosto 24 diin aduna kini huyang nga kagamhanang lokal diin kaylap ang kapobrehon.
Gani nagkat-on pa ang duha sa lengwaheng Haitian Creole, nagplanong mamalit og military-type rifles, ug nag-eskwela sa US Air Force ug Dallas fire academy diin ang mga kahanas nga makuha kay magamit sa ilang planogn pagsakop.
Wala na gi-detalye sa mga awtoridad ang ilang pagkasakop sa plano sa duha apan posibleng mag-atubang kini sa kasong federal conspiracy to commit murder in a foreign country diin ang tibuok nga kinabuhi nga pagkabilanggo ang atubangong silot.
