Malipayon ug “all smiles” gihapon ang duha ka Pinay tennis player nga sila si Tenny Madis ug Stefi Aludo bisan pa napakyas kini nga makaabante sa doubles category.
Matud nila nga human sa ilang duwa, wala nila matago ang ilang kalipay human nakigtigi sa usa ka doubles match sa unang higayon sa ilang karera sa tennis.
Sumala ni Madis, malipayon siya nga nakigtigi batok sa mga bantugang player sa tennis kansang mga ngalan nalista na sa WTA – usa ka talagsaon nga oportunidad, nga mahitabo sa ilang kinabuhi.
Ingon man nga gikalipay usab ni Aludo nga ilang gibuhat ang tanan ug nihatag og maayo nga performance alang sa mga tumatan-aw ang ilang kahanas.
Nakaatbang sa duha ang Japan tennis players nga sila si Mana Ayukawa ug Kanako Morisaki.
Samtang, napakyas usab nga makasulod si Pinay tennis star Alex Eala sa semis sa WTA 125 Philippine Women’s Open.
Kini human makahiagom og kapildihan sa player sa Colombia nga si Camila Osorio sa score nga 6-4, 6-4.
