CEBU CITY-Duha ka mga gradwado sa University of San Jose-Recoletos (USJ-R) ang nakapasar sa top rankings sa bag-o lang natapos nga May 2024 Licensure Examination for Certified Public Accountants (LECPA).
Nahimutang sa ikaunom nga pwesto si Mae Pearl Secuya human nakakuha og average passing rate nga 89.83 percent.
Samtang si Clark Peter Castillo nahimutang sa ikasiyam nga pwesto nga adunay average passing rate nga 89.33 percent.
Si Secuya, kinsa nagpahuway sa dihang migawas ang resulta niadtong Biyernes, Mayo 31, niingon nga nakamata siya sa daghang mensahe sa pahalipay gikan sa mga higala.
Sa laing bahin, si Castillo nakadawat sa balita gikan sa iyang magtutudlo sa review.
Matud pa nila nga ang ilang mga kalampusan usa ka bahin nadasig sa topnotcher sa miaging tuig nga si Hebban Tawantawan, usa usab ka gradwado sa parehong tungha-an, kinsa naghatag kanila og giya sa ilang yugto sa pagrepaso.
Kahinumduman nga nag-una si Tawantawan sa 2023 LECPA nga adunay kabahin sa puwesto.
Sila si Secuya ug Castillo adunay talagsaong mga rekord sa akademiko bisan sa wala pa ang kolehiyo, mga produkto sa USJ-R sukad sa high school. Ug isip pag-ila sa bag-o nilang nahimo, si Secuya makadawat og cash reward nga P375,000 ug usa ka bag-ong laptop, samtang si Castillo makadawat og P300,000.
