Cebu City-Padayon ang paggukod sa mga otoridad sa probinsya sa Bohol ngadto na sa gikatahong armadong grupo sa mga kalalakin-an nga una ng naka engkwenro sa mga kasundaluhan ganhang sayo sa kabuntagon sa Brgy Campagao sa lungsod sa Bilar.
Matud ni Col. Medel Aguilar, ang tigpamababa sa AFP Central Command nga hangtud karon wala pa nila masuta kung unsa ang affiliation sa maong mga armadong tawo. Base sa ilang impormasyon nga nakuha nga naa sa 14 ka mga armadong kalalakihan ang nasigpatan sa mga residente sa maong lugar maong misumbong dayon sa mga otoridad.
Mikabat matud pa sa kapin 30 minutos ang pagsinukli-ay ug buto sa duha ka habig . Narekober sa encounter site ang mga magazines sa AK 47, usa ka OZ ug 2 ka magazine ug lain pang mga bala. Sa maong engkwentro, 2 ka mga sundalo ang nasamdan samtang wala pa usab mahibaw-an kung duna ba sa habig sa mga armadong grupo.
Nagpadala na sab ug dugang persa ang AFP ingon man air assets sa Bohol. Dali sab nga gimandu-an ni Quenery ang iyahang mga sakop nga magpahigayon ug checkpoint operations.
