2 ka suspek nga nangawat sa Louvre museum, nadakpan na!

Gidakop sa mga awtoridad sa Paris ang duha ka suspek nga nangawat og mahalon nga mga alahas sa korona gikan sa museyo sa Louvre.

Sumala sa Paris prosecutor’s office, usa sa mga suspek hapit na mobiya sa nasud ug nadakpan sa Charles de Gaulle Airport.

Nakakuha og DNA ang mga awtoridad gikan sa crime scene aron dali nga mailhan ang mga suspek.

Gibilin sa mga suspek ang pipila ka mga butang sama sa gloves ug usa ka jacket.

Kahinumduman nga ang upat ka suspek nangawat sa Galerie d’Apollon ug nasurikbot ang mga alahas nga nagkantidad og $102-milyones.