Walay kahadlok nga gisaka sa couple ang ibabaw sa spire sa Empire State Building sa New York City niadtong Miyerkules aron ibuklad ang usa ka dako nga banner nga nanawagan alang sa kalinaw sa kalibutan, nga sa ulahi daw nahimo nga usa ka proposal sa kasal.
Nailhan ang duha nga sila si Angela Nikolau ug Ivan Beerkus, nakaabot sa 1,454-foot nga spire nga walay makita nga safety equipment, ug naggunit sila og itom nga banner nga adunay puti nga all-capital nga mga letra nga nakasuwat: “When the power of love beats the love of power the world knows peace.”
Diin nakadani kini og dakong reaksyon sa NYPD.
Sa wala pa sila madakpi, ang magtiayon nanaog sa mas ubos nga plataporma diin si Ivan daw nag-propose.
Nailhan sa ilang grabeng pagsaka sa siyudad, ang magtiayon kaniadto nagbida sa dokumentaryo sa Skywalkers: A Love Story.
Sa pagkakaron, giimbestigahan na sa mga awtoridad kung giunsa nila pag-access sa restricted upper levels sa naasoy nga buidling.
