Gimandoan sa korte sa Kano,Nigeria nga magpakasal ang duha ka TikTok celebrity human nag-post og video nga nag-chula (kissing).
Sumala sa report nga gimanduan sa magistrate court niadtong nakalabayng Lunes ang Hisbah o ang Sharia police sa lugar nga ihikay ang kasal sa duha sulod sa sunod 60 ka adlaw human gipasanginlang iyang post nga maaw-ay sa social media.
Ang Kano kay usa sa 12 ka estado sa amihanang Nigeria nga nagpatuman sa Sharia Law, o ang balaod nga gibase sa Quran, uban sa mga balaod sa nasod.
Mikatap ang video sa TikTok nila ni Idris Mai Wushirya at Basira Yar Guda kun diin nakit-an kini naggakusay og naghalokay sa usag-usa nga daling gisaway sa mga konserbatibong residente sa lugar.
Gidakop ug gipreso si Mai Wushiryaati sa mga awtoridad sa wala pa mihukom og desisyon ang korte tungod sa maong kontrobersiya samtang si Yar Guda kay nagtago-tago na.
Gikumpirmar sa mga opisyal sa Hisbah nga gisugdan na nila ang preparasyon sa kasal sa duha.
