CEBU CITY-Mukabat sa 2ka tonelada nga basura ang nakuha sa mga volunteers sa unnang adlaw sa ilang paglimpyo sa isla sa Sumilon.
Kini maoy giubutyag ni Oslob Mayor Jose Tumulak Jr. Matrud ni Mayor Tumulak nga kasagaran sa mga basura nga ilang nakuha mao ang mga sudlanan sa pagkaon nga nahabilin pag holyweek, mga botelya ingon man mga plastic ug mga kahoy.
Matud sa Mayor nga sa sandbar area ug sa palibot sa isla palang sila nakalimpyo. Mukabat usab sa 210 ka mga volunteers ang nagtinabangay aron malimpyo ang dagat sa 7 ka ektarya nga portion sa isla.
Ang grupo ang nagikan sa mga pumboat operators, LGU sa Oslob ug uban pang mga organisasyon. Ugmang adlawa magpadayon ang clean up drive diin ang mga volunteer divers ang musawon sa dive site ug sa sanctuary aron manguha ug mga basura nga naa sa kailaluman sa dagat.
Nasayran nga temporaryo nga gisarado ang sand bar ug dive spot sa Sumilon Island alang sa paglimpyo niini.
