CEBU CITY-Malampuson nga nasakmit sa mga sakop sa kapulisan sa City Intelligence Unit ug City Drug Enforcement Unit sa Cebu City Police Office ang 2 ka kilo sa gituohang shabu nga nagkantidad og P13.6 milyones sa gipahigayon nga anti-illegal drug operation sa Purok 8, Barangay Kamputhaw ning dakbayan sa Sugbo, gabii, Marso 12, 2024.
Giila ang duha ka suspetado nga sila si Ryan Balansag o alyas ‘Insik’ ug Marlon Lopez nga susamang lumulopyo sa naasoy nga dapit.
Matud ni Police Col. Ireneo Dalogdog, ang City Director sa CCPO nga ang source sa mga dinakpan anaa natanggong sa Cebu City Jail nga usa ka drug personality.
Dugang pa sa opisyal nga si alyas ‘Insik’ makabaligya og 2 ngadto sa 3 ka kilo kada semana.
Subay niini, mipasalig ang kapulisan sa Sugbo nga padayon ang ilang pakigbatok sa iligal nga drogas diin inabagan sa ubang ahensya ingon man sa mga opisyales sa matag barangay arun hingpit nga matuldokan ang matang sa iligal nga drogas.
