Cebu City-Nahulug sa usa ka masulub-un nga adlaw ang unta usa ka malipayun ug makalingaw nga adlaw alang sa pamilyang Gomez sa ilahang pag-obserbar sa Pasko sa Pagkabanhaw.
Kagahapong adlawa sa Vidar Family Resort sa Barangay Apalan, lungsod sa Tuburan, nangaligu ang pamilyang Gomez.
Gisaysay ni PO1 Jerome Delos Santos nga ang biktima nga si Mark Joseph Gomez, 5 anyus kauban ang iyahang inahan nga si Sheila Mae Gomez, 22 anyus, sa kiddie pool sa dihang nananghid ang bata nga mu-adtu sa iyahang amahan. Matud pa nga niadtung higayuna giingung nag-videoke ang amahan sa biktima nga si Hilario Gomez, 30 anyus.
Giingung sa dihang mihaw-as ang inahan ug mi-adtu sa iyahang bana arun nga suta-un kung anaa ba ilahang anak apan wala kini matud pa makita sa amahan. Pipila ka minutos sa dihang adunay mitahu sa usa sa mga trabahante sa resort nga adunay bata nga nalumus sa adult pool ug sa pagsusi giingung anak kini sa magti-ayung Gomez.
Gisulayan pa pagdala ang bata sa tambalanan apan gideklarar na kining dead on arrival.
Samtang, Wala mabantayi sa amahan nga namasul hinungdan nga ulahi na ang tanan ug nakit-an na lang nga naglutaw ug wala na’y kinabuhi ang anak niini diha sa Mananga River, Barangay Lagtang, dakbayan sa Talisay, kagahapung adlawa.
Giila ang biktima nga si Aprill Tanriago, 5 anyus, samtang ang inahan niini mao si Josephine Tanriago, 34 anyus ug residente sa Sitio Iba, Barangay Lagtang sa nahisgutang dakbayan.
Gisaysay ni PO1 Aquiles Cabanda sa Talisay Police Station nga kuyug sa mahan ang iyahang anak sa dihang namasul sa nahisgutang sapa. Matud pa nga sa dihang na busy ang inahan sa pagpamasul wala na niini mabantayi ang iyahang anak.
Giingung sa dihang mibalik ang amahan, wala na niini makita ang iyahang anak ug dayun nakita na lang ang bata nga naglutaw na sa sapa.
Gisulayan pa pagdala ang bata sa tambalanan apan gideklarar na kining dead on arrival.
