Narekober ang patayng lawas sa duha ka mga mountain climbers human natagak kini sa pinakataas nga bukid sa New Zealand sa ila untang summit attempt matod pa sa lokal nga mga awtoridad.
Ang duha ka lalaki kay diay sakop sa grupong gilangkuban sa upat – duha ang turista ug duha ang New Zealand-based guides, nga nagtinuha makakatkat sa tumot sa Mount Cook (Aoraki) sa gitas-ong 3,724 meters o 12,218 feet.
Sumala pa nga natapigas ang duha sa pangpang sa kasadpang bahin sa maong bukid niadtong adlawng Lunes, Nobyembre 24.
Sa pagkakaron wala pa nailhi sa mga kapulisan ang duha ka biktima human nalusad nila ang search and rescue operation niadtong Martes, Nobyembre 25.
Mipadangat og pamahayag ang New Zealand Mountain Safety Council diin ilang giila nga usa ka mga namatay kay usa ka internationally qualified mountain guide nga respetado sa guiding community.
