Dili muminos sa duha ang patay human nahagsa ang gamay nga eroplano duol sa Hicks Airfield sa Fort Worth, Texas sa Estados Unidos niadtong Dominggo, Oktubre 12, 2025 (oras sa Amerika).
Sumala pa sa mga awtoridad nga ang Fort Worth Fire Department kay daling miresponde sa North Saginaw Boulevard human sa taho sa pagkahagsa.
Dugang pa sa mga awtoridad nga wala dayon masuta ang gigikanan sa maong eroplano ug sa destinasyon niini.
Matod pa nga ang twin-engine jet nahagsa sa likurang bahin sa parking lot sa usa ka industrial area diin aduna kiniy naka park nga mga 18-wheelers, trailers ug campers.
Wala pa hinganli sa mga tigpatuman sa balaod ang pangalan sa mga biktima tungod sa gipaubos gihapon kini sa masusing imbestigasyon.
Ang Tarrant County Sheriff’s Office mitaho nga ang Federal Aviation Administration kay naalertohan na sa maong panghitabo aron mangulo sa imbestigasyon.
