CEBU CITY-Subong gisaysay ni Shurnila Ibuña ang kasakit nga iyahang gibati kinsa namatyan ug anak sa nahitabong pagdahili sa yuta sa Sitio Canduloy Barangay Tisa ning dakbayan sa Sugbo.
Kini human ang iyahang anak nga si Jemimah Ibuña,17-anyos, babaye, nakabsan sa iyang kinabuhi gumikan sa pagdahili sa yuta pasado alas 3 sa kadlawng niadtong adlaw sa Domingo Septiyembre 1, 2024.
Nitataw pa kini sa maong panghitabo nga diin didto natabunan aiyang kinamanghurang anak nga magsugat unta sa adlawng natawhan sa petsa 13 ning buwana.
Apan naglisud usab sila gumikan kay dili nila makita ang palibot gumikan sa kangit-ngit, hinungdan nga iyahang gitawag ang iyahang mga anak, apan ang kinamanghuran wala na motingung.
Bisan pa sa mga paningkamot sa mga rescuers ug mga silingan nga makuha ang biktima nga natanggong sa ilawom sa yuta og napalgan na kini nga wala ay kinabuhi.
Base sa inisyal nga imbestigasyon sa mga awtoridad gibana-bana nga moabot og di mo minus 9 ka mga pamilya ug kapin 20 ka mga indibiwal ang na-apektuhan sa maong panghitabo.
Samtang sa laing panghitabo, patay sab ang usa ka 26-anyos nga babaye human natabunan sa laing pagdahili sa yuta sa Purok 5, Barangay San Jose, ning dakbayan sa Sugbo pasado alas 11:20 sa buntag kagahapong adlawa.
Giila ang biktima nga si Claire Dosdos nga gisuwayan pa ug dala sa tambalanan apan gideklarar kini ug dead-on-arrival.
Samtang naangol sab ang tulo ka mga kauban sa panimalay niini nga sila Annabel Otero, 23-anyos, Eufemae Ouano, 4-anyos, ug si Ariacelle Otero kinsa 6-ka buwan pa ang pangidaron.
Mikabat ang danyos sa maong pagdahili sa 15 ka mga indibidwal sa 4 ka mga pamilya.
Daling gipamobilze ni Cebu City Councilor Joel Garganera ang buhatan sa Department of Engineering and Public Works ug Cebu City Disaster Risk Reduction and Management Office aron sa pag-aksyon og solusyon sa mga naasoy nga insidente.
