Patay ang duha ka lalaki samtang usa pa ang samdan human sila gidunggab sa ilang mga kaatbang sa dula sa basketball sa Barangay Lutac, City of Naga, Cebu, alas 8:30 sa gabii niadtong Oktubre 24.
Giila ang mga biktima nga sila alyas Samuel Bastismo, 25 anyos; Niño Agustin Baricuatro, 24 anyos; ug Stephen Bastismo, 22 anyos, pawang residente sa Barangay Langtad, Naga City.
Ang mga suspetsado giila nga sila alyas Reylan Pardillo, John Aurie Pardillo, ug Jay Talandron, puros mga residente sa Barangay Cogon, Naga City.
Base sa inisyal nga impormasyon ug sa pagpakighinabi sa Bombo Radyo Cebu, gisaysay ni Police Captain Master Sergeant Jake Catane, ang Police Investigator sa Naga City Police, nga atol sa duwa, daan nang adunay pisikalay sa mismong duwa, apan kay napildi ang kuponan sa mga suspitsado, hinungdan nga ila kining giatangan sa gawas ug didto nahitabo ang komprontasyon sa duha ka habig nga miresulta sa pagkaduggab sa 2 ka biktima ug gikamatay niini.
Giingong giatangan sa tulo ka suspetsado ang mga biktima ug gipangdunggab. Tungod sa grabeng samad nga ilang naangkon, gidala sila sa tambalanan, apan namatay sila Samuel ug Niño. Padayon pang gitambalan si Stephen.
Human sa insidente, daling miikyas ang mga suspetsado apan nadakpan ra pinaagi sa hot pursuit operation sa kapulisan.
Giapandam na ang tukmang mga kaso batok sa tulo ka suspetsado.
