Gipa-andam sa NDRRMC ang publiko alang sa posibleng pag-ulan sa duha ka mitumaw nga bagyo sa Pilipinas.
Usa niini anaa na sulod sa Philippine Area of Responsibility (PAR), samtang ang usa anaa pa sa gawas sa atong teritoryo.
Diin ang una mao ang active low-pressure area (LPA) nga nakita sa silangan sa Mindanao.
Giingong posible nga mahimong bug-os nga bagyo ug gipaabot nga magdala og ulan hangtod sa pagsugod sa sunod semana diin posibleng moiigo kini atol sa SONA ni Presidente Ferdinand Marcos Jr.
Samtang ang ikaduhang Low Pressure Area nga naporma sa West Philippine Sea dili na makonsiderar nga hulga sa nasud tungod kay nakita na kini sa Vietnam.
Apan, adunay laing gibantayan nga cluster of clouds sa Pacific Ocean diin nagpabilin gihapon kini sa gawas sa Philippine Area of Responsibility ug padayon nga bantayan kung mahimo nang Low Pressure Area sa umaabot nga mga adlaw.
Sa pagkakaron, aduna na’y natala nga pag-ulan sa Davao Region, CARAGA, Eastern Visayas ug pipila ka bahin sa Bicol Region tungod sa weather disturbance formation sa atong teritoryo.
