LILOAN, CEBU-Patay ang drayber sa motorsiklo nga mibangga sa usa ka dumptruck sa National Road sa Brgy Poblacion, lungsod sa Liloan gahapong adlawa, Hunyo 19 ning kasamtangang tuig.
Giila ang biktima giila nga si Fel Rydge 20-anyos nga lumulopyo sa naasoy nga lungsod.
Basi sa inisyal nga imbestigasyon sa Liloan Police Station, nasayran nga nagkasugat ang biktimang nagmaneho sa iyang motorsiklo ug ang truck nga gimaneho ni Ariel Caramihan 27-anyos nga taga lungsod sa Minglanilla hinungdan nga sila nagkabangga.
Gani, gisuwayan og dala ang biktima sa tambalanan sa dakbayan sa Danao apan gideklarar gihapon kini nga dead on arrival.
Sa pagkakaron, kasamtangang anaa sa Liloan Police Station Custodial Facility ang drayber sa trak diin mag-atubang kini og kasong Reckless Imprudence Resulting to Homicide.
