LAPU-LAPU CITY,CEBU- Naluwas na ang tanang 51 ka mga pasahero lakip na ang crew gikan sa nalunod nga pump boat (MB Ningning) sa kadagatan sa Olango Island sa dakbayan sa Lapu-Lapu Martes sa buntag, Pebrero 25, 2025.
Gikompirma kini ni Nagiel Bañacia, pangulo sa Disaster Risk Reduction and Management Office sa Lapu-Lapu City, nga anaa na karon ang mga biktima sa Olango Mini City Hall alang sa post Search and Rescue assistance.
Dugang pa, nga sakay sa maong pambot ang dos-anyos nga bata og 75 anyos nga Senior Citizen ingon man ubang mga hamtong nga mga SK og mga tiguwang gikan namista sa Brgy Caubian og paingon na unta mouli sa Isla sa Olango Brgy Caw-oy.
Nasuta nga ang maximum capacity sa pump boat kay anaa lamang sa 20 ka mga tawo, apan gipugus og sakay ang 51 ka mga tawo.
Dugang pa, nga andam usab tubagun sa mga trepulante sa maong sakayan sa PCG.
Sa inisyal nga imbestigasyon sa mga awtoridad nasudlan og tubig ang pump boat og misamot og kabug-at tungod sa haguros nga hangin og balod sa maong kadagatan.
Nagkatag ang mga tawo gumikan sa kusug nga sulog nga mopangka sa pump boat tunga-tunga sa kadagatan hinungdan nga usa pod ka hagit sa mga mi-rescue sa Lapu Lapu, PCG og mga tanod.
Subay niini, nahabwa ang mga gipangdala nga mga pagkaon sa mga pasahero og grabing pagkabasa sa ilang mga gamit.
Sa pagkakaron anaa na sa luwas nga kahimtang ang mga pasahero og una sila gipauli pag alas 3 sa hapon, gipakaon una sila ug giilisan usab.
