Aduna pay 20 ka mga tawo lakip na ang pipila ka mga Pinoy nga kasamtangang nagpabilin sa Intensive Care Unit sa mga tambalanan sa Bangkok, Thailand.
Resulta gihapon kini sa high-altitude plunge nga flight sa usa ka Singapore Airlines flight nga mipatay sa usa ka tigulang nga pasahero ug nakaangol sa kapin sa 100 ka laing mga tawo.
Sumala sa taho, lakip sa 20 ka biktima nga anaa karon sa intensive care unit mao ang mga indibidwal nga gikan sa Australia, Britain, Hong Kong, Malaysia, New Zealand, Singapore, ug Pilipinas.
Samtang, pipila ka adlaw human sa trahedya, ang relief flight nga nagdala sa 131 ka mga pasahero ug 12 ka mga tripulante mitugpa sa Changi Airport sa Singapore, nga ang tanan giabiabi sa ilang mga minahal sa kinabuhi.
Kalabot niini, nangayo og pasaylo ang Chief Executive sa Singapore Airlines nga si Goh Choon Phong sa trahedya nga nakaangol ug nakapatay pa sa pipila nila ka mga pasahero.
Samtang si Singapore Prime Minister Lawrence Wong nipadayag usab sa iyang pahasubo sa pamilya sa biktima nga namatay tungod sa maong trahedya.
