20 ka tawo ang patay human nasunog ang nursing home sa China

Patay ang 20 ka mga tiguwang human sa ilamoy sa sunog ang usa ka nursing home sa north-east China.

Gikatahong mikabat sa kapin duha ka oras ang pakigkumbati sa mga otoridad aron hingpit kini nga mapalong.

Ang nursing home nga gilamoy sa miulbong sunog mao ang nahimutang sa Chengde city, Hebei province.

Gawas sa natalang namatay kay adunay 19 ka mga tawo ang nadala sa tambalanan human nakaangkon og samad sa nagkadaiyang bahin sa kalawasan.

Sa pagkakaron, nagpadayon ang imbestigasyon sa mga otoridad sa insidente.