Maggikan sa pundo sa Philippine Amusement and Gaming Corporation (PAGCOR) ang P20 milyones nga cash incentives nga ihatag sa gobyerno alang sa double Olympic gold medalist nga si Carlos Yulo.
Sa budget deliberation sa House Committee on Appropriations sa proposed 2025 national budget, si PAGCOR chairman Al Tengco niingon nga basI kini sa probisyon sa National Athletes and Coaches Benefits and Incentives Act.
Gipasabot ni Tengco nga basi sa balaod, P10-million pesos ang reward sa matag Olympic gold medal ug 50 porsiyento niini alang sa coach ug trainer sa atleta.
Matud usab ni Tengco nga ang coach ug personal trainer ni Yulo makadawat og kinatibuk-ang singko milyones ka pesos matag usa.
Gawas sa cash incentives, ang Kamara mohatag usab og P6 milyones nga reward ug uban pang ahensya.
