Malampuson gihapon ang kampanya sa Pilipinas sa bag-ohay lang nga Southeast Asian Games 2025, bisan paman nga anaa kini sa ika-unom nga pwesto.
Kini ang gipadayag sa Philippine Olympic Committee (POC) taliwa usab sa mga kritiko nga nag-ingon nga ang nasud napakyas sa torneyo.
Pasabot sa POC nga ang bulawang medalya nga nalangkat sa host country nga Thailand kay mikabat sa 233.
Apan mas daghan man hinuon ang silver ug bronze medal sa Pilipinas, dako usab og dungog nga kasagaran sa mga nakaatbang sa Pilipinas alang sa gold match kay ang Thailand.
Ingon man nga adunay mga nalangkat nga bulawang medalya ang nasud sa lisod nga pamaagi busa dako kini og kadaugan sa ilaha.
Naglakip kini sa duha ka bulawang medalya sa basketball (lalaki ug babaye) nga labing halandumon sa hunahuna sa mga Pilipino.
Ang Pilipinas nakadaog usab og bulawan sa football, ug beach volleyball, uban sa makasaysayanong mga kadaugan sa softball, baseball, ug tennis.
Nakahimo usab og mga record ang mga atletang Pilipino sa daghang mga kalihokan sa paugnat sa kusog sama sa paglangoy diin si Kyla Sanchez ang midominar. Ang maong kadaugan, sumala sa POC, usa ka panawagan sa pagmata sa tinuig nga dominasyon sa ubang mga nasud sama sa Singapore ug Vietnam.
