Labing menos 204 ka mga lawas na ang na-recover human nahagsa ang usa ka pasaheroang eroplano sa Ahmedabad, kasadpang India.
Samtang, gipaambit sa mga awtoridad sa India nga usa ka pasahero ang bugtong naluwas gikan sa kinatibuk-ang 242 ka mga tawo sakay sa Air India flight nga paingon sa London.
Adunay 169 ka Indian national, 53 ka Briton, pito ka Portuguese national ug usa ka Canadian ang sakay sa Boeing 787-8 Dreamliner.
Paingon na ang mga US Investigators sa India aron motabang sa imbestigasyon.
Samtang, ang mga airline company nipasalig nga dili nila pasagdan ang mga biktima.
Ang eroplano padulong sa London sa dihang nahagsa kini pipila ka minuto human sa pag-take-off, nga naigo sa usa ka building diin nagpuyo ang mga doktor sa Ahmedabad, India.
