MANDAUE CITY-Nakabsan sa kinabuhi ang 21-anyos nga lalaki human kini napasok ilawom sa dump truck sa M.C.Briones Street Brgy. Ibabao Estancia, Mandaue City.
Giila ang biktima nga si Danny Boy Lobitaña, lumad nga taga Purok 4 Basay Negros Orriental.
Matud sa gipahigayon nga imbistigasyon sa kapulisan sa Traffic Enforcement Unit sa Mandaue City Police Office nga giingong kalit mi-left turn paingon sa usa ka gasoline station ang biktima samtang nagmaneho sa iyang motorsiklo ug wala nakabantay ang driver sa dumptruck nga si Fermine Tigbao 37-anyos nga taga Sangi Toledo City kinsa paingon sa fly over sa Magiukay.
Hinungdan nga nabanggaan niya kini ug napasok sa ilawom.
Daling gidala sa Mandaue City District Hospital ang biktima apan gidiklarar kini nga patay na.
