21 ka tawo, gipatay sa mga rebeldeng grupo sa Congo

Gipatay ang labing menos 21 ka mga tawo human giatake sa mga armadong grupo ang usa ka simbahan sa silangang Congo.

Ang mga awtoridad nag-ingon nga ang mga rebeldeng Islamic State, ang Allied Democratic Force, maoy responsable sa pag-atake.

Gisunog usab sa mga suspek ang daghang mga balay sa distrito sa Komanda, diin nahimutang ang simbahan.

Ingon man nga dili lang kini ang unang higayon sa maong pag-atake.

Gumikan naghimo usab ang grupo og sunud-sunod nga pagpamatay sa bag-ohay nga mga semana diin gikondenar sa United Nations.