CEBU CITY-Mukabat sa P4-M ang kantidad sa matag coaster bus nga giturn-over sa management sa RDAK Company ngadto sa Cebu City Government, apan nahangyo kini sa P3.6-M.
22 ka mga brand new coaster buses ang gihatag sa maong kompanya sa pangagamhanan sa dakbayan diin nabendisyunan na usab kini sa pagpangulo ni Monsignor Roberto Alesna uban si Cebu City Mayor Edgardo Labella.
Gibutyag ni Department of General Services Offices Head June Maratas, nga sutaon pa sa buhatan ni Mayor Labella ug Councilor Raymund Garcia ang mga barangay nga apud-apuran sa maong mga sakyanan kung diin kini na ang mahimong service vehicle sa matag barangay.
Gikalipay sa kadagkuan sa dakbayan ang maong lakang sanglit dako kini nga gamit sa mga bukirang bahin sa barangay nga pwedeng masakyan sa katawhan nga adunay transaksiyon sa City Hall ug uban pa. | with reports from Bombo Jun Salde
