Naugdaw ang pipila ka mga panimalay, sa Sitio Admacor, Barangay Maguikay, Dakbayan sa Mandaue kagahapon, Biyernes Mayo 15, 2026
Sagad sa mga nasunog mao ang mga residential structures, hinungdan nga giisa kini sa 1st alarm pasado alas 3:58 sa hapon.
Matud ni FO2 Mark Anthony Yagonia, ang Fire Investigator, sa Bureau of Fire Protection Mandaue City, nga nagsugod ang kalayu sa panimalay ni Abegail Lima-lima, ug giingong tungod kini sa mga “faulty electrical wire” gumikan sa kadaghang mga panimalay og mananap nga posibleng mikitkit sa mga wire.
Dugang ni Yagonia, nga hagit sa pagpalong sa maong sunog mao ang kahagip-ot og sikit-sikit nga panimalay, apan hingpit kining gideklarang fire-out pasado alas 4:53 sa hapon.
Mensahi usab ni FO2 Yagonia, nga kinahanglang matag tuig nga susihon sa mga tagtungod ang mga electrical wirings sa mga panimalay kung aduna bay mga faulty wirings aron sa paglikay sa sunog.
Base sa inisyal nga impormasyon, moabut sa 58 ka mga pamilya o 168 ka mga indibidwal ang apektado sa maong sunog, og possible pa kining madungagan human sa imbestigasyon.
