23 ka Pinoy nga tripulante sa oil tanker nga naigo sa mga missile sa Red Sea, naluwas na

RED SEA-Naluwas na ang mga tripulante sa oil tanker nga naigo sa mga missile samtang didto sa Red Sea.

Ang Greek-flagged nga Sounion naigo sa daghang mga missile samtang didto sa Hodeida City.

Kini adunay kinatibuk-an nga 25 ka mga tripulante diin 23 niini mga Filipino samtang ang laing duha mga Russian.

Walay grupo nga miangkon nga responsable sa nasangpit nga insidente apan dako ang pagtuo sa mga awtoridad nga gihimo kini sa mga rebeldeng Houthi tungod kay sila ang kanunay nga nagpaluyo sa pag-atake didto.

Sumala sa Joint Maritime Information Center (JMIC), ang barko karon nakaangkla sa Red Sea tali sa Eritrea ug Yemen.