Patay ang 23 ka tawon ug 11 ang nasamdan human miulbo ang sunog sa usa ka convenience store sa Sonora, Mexico atol sa selebrasyon sa Adlaw sa mga Patay sa maong nasud.
Sumala ni Carlos Freaner, presidente sa Mexican Red Cross, ang mga biktima naglakip sa 12 ka babaye, 5 ka lalaki, ug 6 ka bata. Ang nag-unang hinungdan sa kamatayon mao ang pagginhawa sa aso sa sunog.
Giklaro sa lokal nga gobyerno sa Sonora nga ang insidente wala tuyoa ug walay kalabotan sa usa ka pag-atake sa terorista base sa inisyal nga ispekulasyon.
Kasamtangang nagpadayon ang imbestigasyon sa eksaktong hinungdan sa sunog.
Samtang, sa usa ka post sa social media, ang Presidente sa Mexico nga si Claudia Sheinbaum Pardo nagpahayag sa iyang pahasubo ug nagpasalig sa gobyerno sa diha-diha nga tabang sa mga pamilya sa namatay ug sa mga nasamdan.
