Cebu City- Wala na makakuha pa ug exam ang 24 anyos nga tinun-an sa usa ka unibersidad dinhi sa dakbayan sa Sugbo human kini ang gibanhigan patay sa wala pa matino nga suspek sa SRP road, Brgy Cansojong dakbayan sa Talisay. Ang biktima ang giila nga si Art Stephen Bas kinsang kasamtangan usab nga konsehal sa Brgy Lagtang sa nahisgutang dakbayan.
Matud ni SPO4 Frederick Larobes nga gitapara gayud sa mga suspek nga sakay sa motorisklo ang sakyanan sa biktima nga usa ka ford everest nga puti ug dunay plate number AVM 596 dayon gipaarakan ug pusil.
Mukabat sa 15 ka kabhang ug 1 ka buhing bala ang nakuha sa crime scene. Natusak-tusak usab sa igo sa bala ang bintana duol sa driver . Sutaon pa usab sa kapulisan ang background sa biktima .
Emosyunal ang pamilya sa biktima human nila masayran ang nahitabo sa 24 anyos nga brgy konsehal.
Matud sa pamilya nga posible nga naalaan lamang ang biktima sanglit ang sakyanan nga gigamit niini ang iyaha sa iyahang amahan nga si kanhi Brgy Lagtang Talisay Kapitan Mark Ferdinand Bas.
Dako ang pagtuo sa pamilya nga dili gayud ang biktima maoy ilang target. Mibalibad hinuon sa paghatag ug dugang pa nga komento ang kabanay niini gumikan kay naa pa sila sa kasubo.
Samtang gibutyag usab sa kanhi Brgy Konsehal sa Brgy Lagtang nga si Willie Racaza nga buotan ang biktima ug halos dili man gane kini makasulti. Matud pa nga bisan siya ang nakurat sa nadangtan sa ilang konsehal karon sa Brangay.
Wala pay identity ang kapulisan sa posibleng responsable sa maong krimen.
Nasayran nga ang biktima ang anak sa kanhi kapitan sa lagtang nga si Mark Ferdinand Bas kinsang na priso kaniadto human sa kalambigitan niini sa ginadiling drogas apan nakapyansa ug nakagawas na sa prisuhan.
