CENTRAL VISAYAS- Nasikop sa Police Regional Office 7 ang 49 ka mga wanted nga indibidwal, lakip ang 13 ka most wanted nga mga suspek atol sa gipakusog nga 24-hour manhunt sa tibuok Central Visayas, nga naghatag og kakugang sa mga criminal nga dugay nang milikay sa hustisya.
Kini ang gipaambiy ni PBGen Redrico A Maranan, ang Regional Director sa PRO7 nga ang malampuson nga pagpangita nagpasiugda sa pagkaepektibo sa gipausbaw nga mga operasyon sa paniktik, padayon nga koordinasyon sa mga yunit sa kapulisan, ug hinungdanon nga suporta gikan sa mabinantayon nga mga komunidad, usa sa mga nahimong possible tungod sa ilang kooperasyon.
Gikan sa Hunyo 27 hangtod 28, 2025, ang mga unit sa PRO7 nagpahigayon og synchronized nga mga operasyon sa tibuok rehiyon, nga nagtarget sa mga indibidwal nga adunay outstanding warrants of arrest alang sa nagkalain-laing seryoso nga krimen.
Lakip sa mga nadakpan, ang 13 ang giklasipikar nga most wanted, nga malampuson nga nakalikay sa pagpatuman sa balaod sa taas nga mga panahon.
Gihatagan og gibug-aton ni PBGen Maranan ang kamahinungdanon niining mga pagdakop sa misyon sa pagpatunhay sa hustisya ug pagsiguro sa kaluwasan sa publiko.
Busa, nagpasalamat siya sa komunidad sa ilang padayon nga pagsalig ug suporta, ingon man nga pinaagi sa managsama nga responsibilidad ug pagkamabinantayon, ang Rehiyon 7 nagpadayon sa pagtukod sa mas luwas nga mga komunidad.
Sa pagkakaron, ang mga dinakpan anaa na sa kustodiya sa kapulisan ug ipresentar ngadto sa korte alang sa tukmang legal proceedings subay sa ilang tagsa-tagsa ka warrant.
