CEBU – Labing menos 24 ka mga tawo ang namatay ug pipila ka dosena pa ang nawala human malunod ang usa ka bangka sa usa ka suba sa Bangladesh.
Gikatahong nalimbuwad ang sakayan niadtong Domingo sa hapon samtang mibalik gikan sa usa ka Hindu temple sa pikas bahin sa Suba Karatoa sa Boda sa Panchagarh district.
Matod sa mga rescuers ug mga residente narekober nila ang labing menos 24 nga mga lawas kaniadtong Domingo sa gabii diin labing menos 12 ka mga babaye ug walo ka mga bata ang lakip sa mga namatay.
Sa datos sa kapulisan moabot sa 25 ka indibidwal usab ang gikatahong na-misssing, labing menos 10 ka mga tawo ang naluwas ug gipadala sa ospital.
Nasayran nga liboan ka mga Hindu sa Bangladesh nga kadaghanan sa Muslim ang mobisita sa Bodeshwari Temple kada tuig.
Ang Domingo nagtimaan sa pagsugod sa Durga Puja, ang pinakadakong festival sa Hindu sa Bangladesh ug kasikbit nga silangang India, nga nagdani sa daghang mga tawo sa templo.
Gatusan ka mga tawo ang mamatay kada tuig sa mga aksidente sa lantsa sa Bangladesh, usa ka ubos nga nasud nga adunay daghang mga agianan sa tubig sa yuta apan kuwang sa lax safety standards.
