TALISAY CITY, CEBU-Dako ang pasalamat ni Joy Tumulak, ang pangu sa City of Talisay Traffic Operations & Development Authority o kon CT-TODA sa mga kabomberohan nga mirespondi sa miulbong sunog sa Sitio Tugas, Barangay Dumlog, Talisay City gahapong adlawa, ingon man sa mga motorista nga misanong sa pag-divert sa ilang mga sakyanan nga mosulod paingon sa Dumlog.
Diin sa maong sunog miresulta sa kinatibuk-ang pagka-ugdaw sa gibana-bana nga 24 ka mga balay.
Atol sa pakighinabi sa Bombo Radyo Cebu News Team kang Tumulak diin gibutyag niini nga hapsay ang pagpasulod ug pag pull-out sa mga kabomberohan nga gikan pa sa mga silingang mga syudad ug munisipyo sama sa Cebu City, Mandaue ug uban pa.
Ug tungod sa dali nga pagrespondi sa mga sakop sa kabomberohan, ang maong pag-ulbo sa sunog wala maabti og usa ka oras, ingon man nga miresulta kini og ka-trapik apan, nabalik ra sab sa normal tungod sa pagdumala sa mga otoridad.
