Patay ang 25 ka mga tawo ug kapin sa 1,000 ang naangol human mibuto ang Shahid Rajaee Port sa Iran niadtong Abril 26.
Sumala sa mga opisyal, ang pagbuto nagsugod sa usa ka sunog sa usa ka pasilidad sa tipiganan sa mga kemikal ug mga delikadong materyales.
Gikataho usab nga usa sa mga eksplosibo mao ang sodium perchlorate, usa ka sangkap nga gigamit sa paghimo og solid fuel alang sa mga missile.
Temporaryong gisuspinde ang mga tunghaan ug opisina sa kasikbit nga dapit tungod sa grabeng polusyon sa hangin.
Nabatyagan usab ang pagtay-og hangtod sa 50 kilometros ang gilay-on.
Samtang, ang Presidente sa Iran nga si Masoud Pezeshkian nagpahayag sa iyang pahasubo sa mga biktima ug nagmando sa usa ka bug-os nga imbestigasyon.
Nagpadayag usab og suporta ang lain-laing mga nasud sama sa United Arab Emirates (UAE), Saudi Arabia, Pakistan, India, Turkey, ug bisan ang United Nations.
Samtang ang Presidente sa Russia nga si Vladimir Putin nagpadala og tabang.
Gikonsiderar pa nga usa ka aksidente, nahitabo sa samang higayon sa mga pakigpulong tali sa Iran ug Estados Unidos sa Oman bahin sa programa sa nukleyar sa Tehran.
Tulo ka adlaw nga National Mourning ang gipahigayon sa Hormozgan Province.
