MANDAUE CITY- Mimando ang Office of the Ombudsman sa dili muminos 26 ka mga empleyado sa Mandaue City Hall og 9-ka buwan nga suspension ug walay sweldo human kini nasayran nga liable sa reklamong prejudicial to the best interest of the service sa pagpangoral ug pagpangpadlock sa usa ka luna sa Barangay Paknaan dakbayan sa Mandaue.
Ang desisyon kay pinetsahan og Disyembre 19, 2024 nga pinirmahan ni Ombudsman Samuel Martires sa pagpasuspenso sa mga empleyado lakip mga ang OIC Head sa Husing and Urban Development Office nga asi Johnbee Biton, Assistant City Assessor Julius Caesar Entise, ug pangu sa Mandaue City Janitorial Services Unit nga di Teodorico Montojoo II.
Naggikan kini sa reklamong gipasaka ni Maria Priscila ug Maritonie Melendres kinsa miangkon sa luna nga gipanag-iya niini sa Zone Ahos, Barangay Paknaan diin gihimo kinig relocation site sa kagamhanang dakbayan nga nagpuyo sa mga delikadong dapit.
Ang demolisyon ug padlocking incidennt sa contested nga luna sa Barangay Paknaan nahitabo niadtong Mayo 3, 2023 nga maoy hinungdan nga sila Priscila ug Melendres nipasaka og reklamo sa korte, nga nag-angkon sa pagpanag-iya sa maong luna, nga giingong gipalit sa ilang apohan.
Sa maong kalamboan kay gikalipay kini sa mga reklamante tungod sa hustiyang ilang nakab-ot sa ilang gipanag-iya yuta.
Niisyu sa endorsement ai Assistant Ombudsman Pilarita Lapitan nga pinetsahan og Enero 24, 2025, nga nagrekomendar sa suspensiyon nga walay bayad ngadto sa Human Resource Division sa Mandaue City Government aron sa pagpatuman sa maong desisyon.
