29 patay human sa kusog nga pagbaha sa Brazil

Niabot na sa 29 ang namatay tungod sa padayong pag-ulan sa Rio Grande do Sul sa Brazil.

Mokabat usab sa 60 ka mga tawo ang natala nga missing samtang anaa sa 10,242 ka mga tawo ang nawad-an sa ilang mga panimalay nga naka-apekto sa 154 ka mga siyudad.

Gitawag kini sa Gobernador sa estado nga si Eduardo Leite nga usa ka kritikal nga kaso nga natala sa kasaysayan sa nasud.

Nihimo usab og mga inspeksyon si Presidente Luiz Inacio Lula da Silva ug iyang gipasalig nga tabangan ang mga biktima.