CEBU – Andam na ang Cebu City Government alang sa paghandum sa mga Sugbuanon sa Kalagkalag 2022 sa lainlaing mga sementeryo sa dakbayan.
Matod ni Konsehal Phillip Zafra chairman sa committee on peace and order sa Sugbu, nga mokabat sa 2,000 ka mga security ug medical personnel gikan sa Cebu City Police Office ug ubang ahensya sa gobyerno ang gipakatap na alang sa All Saints’ Day ug All Souls’ Day karung Martes, Nobyembre 1, ug Miyerkules, Nobyembre 2.
Gipalihok usab ang mga trabahante sa City Hall sa paghawan sa mga agianan sulod sa mga sementeryo nga posibling gibahaan tungod sa nagsigeg uwan ??ning milabayng mga adlaw.
Matod sa konsehal nga nagpabiling malinawon ug hapsay ang tanang importanteng lugar sa dakbayan tungod kay nagsugod na pagdagsa ang publiko sa mga sementeryo niadtong Domingo, Oktubre 30.
