CEBU CITY- Inspirasyon sa 2nd placer sa Bar examination nga si Atty. Christianne May Balili ang kamatayon sa iyang lola mao nga nalangkat niya ang kalampusan ug malakip sa top 10 sa 2017 Bar Exam.
Matud ni Balili nga pipila ka adlaw sa wala pa ang exam namatay ang iyang lola ug mismong sa adlaw pa sa exam kini gilubong hinungdan nga wala siya nakatambong niini. Sigon niya nga na-heartbroken siya tungod kay kini matud pa ang iyang number 1 supporter.
Gipa-ambit usab ni Balili nga dihay higayon nga nawad-an na siya og interes sa abogasya sa dihang nakatrabaho na siya isip Certified Public Accountant apan sa dihang nakapasar ang iyang igsoon sa bar exam subli siya nga nagka-interes niini. Hinungdan nga sa dihang nahibaw-an niya nga naa sa siya rank 2, naka-ambak ug naka siyagit siya sa tumang kalipay.
Samtang dream come true,para kang Atty. Rhelan Servacio, kinsang nakakuha sa nasa rank 7 ang mahimong abogado. Matud ni Servacio nga pangandoy usab kini sa iyang amahan apan wala matuman tungod kay mipokos nalang kini sa ilang negosyo mao silang mga anak nalang matud pa ang gilaumang mupadayon niini.
Si Atty.Servacio ang pinakauna nga CPA ug abogado sa ilang pamilya.
Dili usab makatoo ang 4th placer nga si Atty. Ivanne D’Laureil Hisoler nga maapil pa siya sa top 10 tungod kay wala man jud unta sa iyang plano sa una nga musulod sa Law School ug gi-awhag lang siya sa iyang mga tiyo.
Pagtino niya nga iya lang kining gisuwayan hangtud sa nahigugma na siya sa natad sa abogasya ug karon hingpit nagyud siyang nahimong abogada.
Nasayran nga ang 3 ka mga topnotchers nagikan sa University of San Carlos Cebu City kung diin nakakuha og 90.8 grade si Balili, 89.55 si Hisoler ug 89 percent usab ang gradong nakuha ni Servacio.
