3 ang patay sa dihang miboto ang truck nga adunay karga nga gasolina sa Chile

Patay ang tulo ka tawo samtang 10 pa ang nasamdan human mibuto ang usa ka trak nga nagdala og gasolina sa Santiago, Chile.

Sumala sa kapulisan, nahitabo ang insidente dihang kalit nga mibuto ang fuel tanker samtang nagbiyahe sa usa ka dalan sa maong siyudad.

Tungod sa kusog nga pagbuto, daghang mga sakyanan nga nag-agi sa maong lugar ang grabeng nadaot.

Giingon sa mga awtoridad nga padayon pa ang imbestigasyon aron matino ang tinood nga hinungdan sa aksidente, lakip na ang posibilidad sa mechanical failure o laing mga hinungdan nga mahimong hinungdan sa trahedya.

Samtang nagpadayon ang imbestigasyon, gipaabot sa mga otoridad ang ilang pahimangno sa publiko nga maglikay sa maong lugar aron malikayan ang dugang peligro.