Usa ka 3-anyos nga batang babaye ang naluwas human nasangit ang iyang ulo sa usa ka metal nga rehas, hinungdan nga nagbitay siya gikan sa ika-12 nga andana sa usa ka bilding sa probinsya sa Fujian, China.
Sumala sa taho, ang insidente nakuhaan og video gikan sa gawas sa bilding sa Zhangping.
Nasangit ang ulo sa bata sa metal nga rehas sa usa ka yunit, samtang ang iyang lawas nagbitay sa kahanginan.
Daling nagtinabangay ang mga silingan ug usa ka security guard gikan sa ground floor aron suportahan ang bata gamit ang usa ka lingkuranan.
Matod sa taho, ang bata nahabilin nga walay nagbantay human migawas ang iyang inahan aron mopalit og mga grocery.
Gikatahong mikatkat ang bata pagawas sa bintana, nga maoy hinungdan sa pagkasangit sa iyang ulo sa metal nga rehas.
Sa kadugayan, naluwas sa mga bombero ang bata.
