3 Cebuano Bar Topnotchers makadawat og financial reward gikan sa Cebu City government

CEBU CITY-Gitino ni Konsehal Bebs Andales nga adunay financial reward nga madawat ang 3 ka topnotchers sa 2017 Bar Examination nga nagikan sa University of San Carlos.

Matud ni Andales nga duna gyud ihatag ang Cebu City Government sa mga topnotchers ilabina sa Bar Exam kung ang nakapasar Cebuano og botante sa Sugbo.

Aduna matud pa kini madawat nga 50 mil o 100,000 pesos nga cash.

Subay niini mpa-abot usab si Andales sa iyang patimbaya sa tanang nakapasar ilabina nga nasulod gyud sa top 20 ang mga unibersidad sa Sugbo diin sigon niya nga usa kini ka ka dakong garbo sa Sugbo.

Mipaabot usab ang konsehal sa iyang patimbaya sa mga propesor nga nahimong parte sa kalampusan sa mga bago nga nahimong abogado.