Tulo ka mga hiker ang namatay sa dihang mibuto ang bulkan sa Mount Dukono sa Indonesia niadtong Biyernes, Mayo 8.
Giluwas sa mga rescuer ang tanang survivorsgikan sa usa ka grupo nga gilangkoban sa 20 ka mga hiker nga nawala human sa pagbuto.
Kadaghanan kanila gipabakwit na gikan sa bukid, apan duha ang nagpabilin aron motabang sa pagpangita sa mga salin.
Subay niini, ang mga opisyal miingon nga ang grupo, lakip ang siyam ka mga Singaporean, mibaktas padulong sa bulkan bisan pa sa pagdili sa pagsaka.
Sumala sa Indonesian Volcanological Survey, ang bulkan mibuto alas 7:41 sa buntag lokal nga oras, nga nagbuga og baga nga abo ngadto sa langit.
Ang Dukono usa sa labing aktibo nga mga bulkan sa Indonesia ug usa ka sikat nga destinasyon alang sa mga hiker ug turista.
