CEBU CITY – Sikop ang tulo ka babaye human misuway sa pagpalusot ug ginadili nga drogas sa Cebu City Jail.
Kung diin gibutang o gitaguan mismo ang maong ang maong mga ginadili nga drogas sa kinatawo nga bahin sa mga suspek.
Giila ang mga suspek nga sila si Rosalina Baylosis, 33 anyos, Estella Mollina Orcullo, 44 anyos pareha nga residente sa nagkadaiyang barangay sa dakbayan sa Sugbo.
Samtang ang usa ka suspek mao si Tennie Gabotan Olanio, 45 anyos ug residente sa Compostela, Cebu.
Matud ni Jail Supt.Renante Rubio nga sa dihang gipahigayun ang inspection ngadto sa mga suspek, nisiwil ang usa ka plastic dapit sa pibado nga parte sa lawas niini.
Hinungdan nga gipabunlot sanglit maayo man ang pagkapasok.
Matud pa niini nga condom ang gihimo sa mga suspek nga panudlanan sa maong mga ginadili nga drogas usa gibutang sa kinatawo.
Nakuha sa mga suspek ang adunay gibug-atun nga 101 ka gramos sa shabu, tenfoil, sigarilyo ug mga plastic nga gamiton sa pagpangrepack.
Nasayran nga pareho nga mubisita unta sa tagsa-tagsa nga hinigugma sa kinabuhi ang maong mga suspek.
Santang sa habig sa usa sa mga suspek nga si Rosalinda nga dako ang iyang pagmahay sa iyang gibuhat ug gani matud niini nga naahat lang siya sa pagdala sa maong kontrabando.
Sa pagkakaron, nagtingkagol na sa prisohan ang mga suspek ug gikatakda nga pasakahan ug kaso may kalabot sa iligal nga drogas.
