CEBU CITY– Patay ang 3 ka indibidwal, kinsa gipa-ubos sa drug rehabilitation human nga gidunggab sa kaubanan niini sa balay sa Barangay Cansojong, dakbayan sa Talisay. Samtang, ang suspek nagpakamatay usab pinaagi sa paglaslas sa wala niya nga pulso.
Giila ang namatay nga sila si Thomas, Woodruff, 24 anyos ug lumad nga taga Argao, Ervyn Ian Enilo, 28 anyos, taga Barangay Punta Princesa, dakbayan sa Sugbo ug ang ikatulo mao ang suspek nga si Archie Abastillas, 28 anyos.
Matud ni Police Supt. Marlou Conag, ang hepe sa Talisay PS, nga nangatulog na ang mga biktima sa dihang gihimo sa suspek ang maong krimen. Diin bugtong lang nga si Carpeso ang nakamatikod apan uwahi na niya nga nasayran nga nakaangkon na usab siya ug samad dinunggaban hinungdan nga mi-ikyas kini.
Matud pa ni Conag nga sa wala pa mahitabo ang krimen, ang maong suspek pakyas nga naka-inom sa iyang tambal para sa anxiety ug gumikan sa matud pa gikasabotan nila nga curfew sa maong apartment nga alas 10, butang usab nga wala gi-uyunan niini ug nagkalalis hinungdan nga mao kini ang nakapatuklod sa maong suspek nga buhatun ang krimen.
Gibutyag pa sa maong hepe nga naggikan ang maong mga inbidwal sa nagkadaiyang rehabilitation apan nakadesidir nga magself-medication nalang ug nagkauban sa usa ka apartment.
Nasayran nga aduna pay dala nga rosaryohan ang maong suspek sa dihang nakit-an kini sa mga pulis nga wala nay kinabuhi sulod sa maong apartment.
Sa pagkakaron, padayun pa nga nagpaayo ang nakasurvive sa maong panghitabo, kinsa nakaangkon ug daghang samad dinunggaban sa nagkadaiyang parte sa lawas.
